«Aqyl Battle CUP» зияткерлік сайысы - жастар мен мектеп жасындағы балаларға арналған зияткерлік ойындар, балалардың қабілеттерін дамытуға және рухани құндылықтар мен патриотизмді қалыптастыруға, ой өрістерін жандандыруға бағытталғанм. Сонымен қатар, жастар қызықты зияткерлік ойынды ойнап қана қоймай, жаңа тың мәліметтерді қазақ тілінде бойына сіңіруіне мүмкіндік беріледі.
Сайыстың І,ІІ кезеңдері «Aqyl Battle» мобильді қосымшасында өтеді. «Aqyl Battle» қазақ тілді жастардың арасында кеңінен танымал, мектеп бағдарламасын оңай игеруге, ойлау өрісін кеңейту мен қазақтың салт дәстүрін, әдебиеті және тарихын тануды, әр түрлі салаларда базалық білімді қалыптастыруға, ең бастысы жастардың бос уақытын пайдалы өткізуге бағытталған мобильді ойын қосымшасы.
Біздің мақсатымыз, осы ойынның форматын командалық ойынға өзгертіп, қосымша шығармашылық бағыт қосу арқылы, «Aqyl Battle Cup» 14-35 жас аралығындағы жастарға арналған республикалық көңілді тапқырлар командаларының арасында зияткерлік сайыс өткізу.
«Aqyl Battle CUP» республикалық зияткерлік сайысы 14-35 жас аралығындағы жастарға арналған. Ойынның І, ІІ кезеңдері онлайн форматта мобильді қосымшада өтіп, тиісті ұпай жиналаған қатысушылар республикалық кезеңге жолдама алады. ІІІ кезең офлайн форматта Астана қаласында ұйымдастырылады. Жалпы жүлде қоры 2 600 000 теңгені құрайды.
14-35 жас аралығындағы жастарға арналған қазақ тілді зияткерлік ойындарды дамыту, сыни тұрғысынан ойлау өрісін кеңейту мен қазақтың салт дәстүрін, әдебиеті және тарихын тануды, әр түрлі салаларда базалық білімді қалыптастыру және жастардың бос уақытын тиімді ұйымдастыру
1-15.05.2023 жыл
«Aqyl Battle» мобильді қосымшасында онлайн форматта іріктеу өтеді. Астана, Алматы, Шымкент және 17 облыстан ең жоғары ұпай жиналаған 2000 қатысушы, яғни ТОР-100 анықталады. Әр аймақтан іріктелген 100 қатысушы келесі кезеңге жолдама алады.
15-25.07.2023 жыл
«Aqyl Battle» мобильді қосымшасында онлайн форматта аймақтық іріктеу өтеді. Әр аймақтан іріктелген 100 қатысушыдан 9 қатысушы республикалық кезеңге жолдама алады. Финалға өткен қатысушылардан команда жасақталады. Команда құрамы жас ерекшеліктеріне қарай 3 қатысушыдан тұрады. Республикалық кезең команда аралық сайыс түрінде өтеді.
19-20.10.2023 жыл
Финал Астана қаласында квиз және ашық батл ойын форматында өтеді. Қазан айында өтетін финалдық турнирде 60 команда, 180 қатысушы бақ сынасады.